‘క్రిష్ 3’ న్యూ రికార్డ్..!
07:00 PM on 16th August, 2013
బాలీవుడ్‌లో వస్తోన్న మరో యాక్షన్ మూవీ ‘క్రిష్ 3’. ఈ చిత్రం ఫస్ట్‌లుక్ నుంచి ప్రతీది సంచలనంగానే మారింది. తాజాగా సినిమా రిలీజ్‌కు ముందే కొత్త రికార్డ్ నెలకొల్పింది. ఈనెల ఐదున విడుదలైన ట్రైలర్‌కి అనూహ్య స్పందన లభిస్తోంది. కేవలం 10 రోజుల్లో 1 కోటి 20 లక్షలకుపైగా దీన్ని చూశారు. ట్రైలర్ కూడా చాలా బాగుందనే టాక్ రావడంతో అంచనాలు ఒక్కసారిగా పెరిగిపోయాయి. బాలీవుడ్‌లో వచ్చిన కోయి మిల్ గయా, క్రిష్ సినిమాలకు ఇది సీక్వెల్. రాకేష్‌రోషన్ నిర్మాతదర్శకుడిగా ఈ చిత్రాన్ని తెరకెక్కిస్తున్నాడు. సైన్స్ ఫిక్షన్ సినిమాలు ఇష్టపడే‌వారికి ‘క్రిష్-3’ సూపర్ అంటూ హృతిక్ ట్వీట్ చేశాడు.
ఇందులో వివేక్‌ఒబెరాయ్ నెగెటివ్ క్యారెక్టర్‌లో నటిస్తున్నాడు. ఆయన లుక్‌కు తగ్గట్టుగా కనిపించేందుకు ప్రత్యేకంగా కాస్టూమ్స్ డిజైన్ చేయించారు. హృతిక్‌రోషన్ సూపర్‌మేన్ రోల్‌లో ప్రియాంకచోప్రాకు ఇచ్చిన లిప్‌లాక్‌పై ఇండస్ర్టీలో చర్చ జరుగుతోంది. అన్ని అనుకున్నట్లుగా జరిగితే ‘క్రిష్-3’ని దీపావళికి ప్రేక్షకుల ముందుకు తీసుకురావాలని ప్లాన్ చేస్తున్నాడు ప్రొడ్యూసర్.
No comments:
Post a Comment