‘చిరు’లేకపోతే ‘పవన్’ ఎక్కడ?!
05:24 PM on 16th August, 2013
ఇటీవల ఓ టెలివిజన్ ఇంటర్వ్యూలో మెగాస్టార్ చిరంజీవి, పవన్ కళ్యాణ్లపై నాగబాబు చేసిన వ్యాఖ్యలు టాలీవుడ్లో చర్చనీయాంశమయ్యాయి. ఇటీవల కాలంలో మెగా బ్రదర్స్ మధ్య విభేదాలు తారా స్తాయికి చేరుకున్నాయని వెలువడుతున్న వార్తలకు నాగబాబు తెర దించేందుకు చేసిన ప్రయత్నమని పలువురు వ్యాఖ్యానిస్తున్నారు. ఇటీవల ఓ టెలివిజన్ కార్యక్రమంలో నాగబాబు... చిరంజీవిని పొగడ్తలతో ముంచెత్తాడు. సినీ పరిశ్రమలో గాడ్ ఫాదర్ లేకుండా మెగాస్టార్గా స్వయం కృష్టితో ఎదిగాడని, 24 ఏళ్ల వయస్సులో చిరంజీవి చెన్నై చేరుకుని ఎవరి అండ లేకుండా టాలీవుడ్లో అత్యున్నత స్థాయికి చేరకున్నాడని నాగబాబు చెప్పుకొచ్చాడు.
ఆ తర్వాత ఓ రాజకీయ పార్టీని ప్రారంభించి.. ప్రస్తుతం కేంద్రమంత్రిగా సేవలందిస్తున్నారన్నాడు. అయితే చిరంజీవి సాధించిన హోదా, పేరు ప్రఖ్యాతలతోనే పవన్ కళ్యాణ్కు అత్యధిక పాపులారిటి దక్కిందన్నాడు. అంతేకాకుండా చిరంజీవి లేకుండా పవన్ కళ్యాణ్, చరణ్, బన్నీకే కాకుండా తనకు కూడా సినీ పరిశ్రమలో స్థానం లేదని అన్నాడు. చిరంజీవి మంచితనం వల్లే తమ కుటుంబం సినీ పరిశ్రమలో బలమైన శక్తిగా ఎదిగింది అని నాగబాబు తెలిపాడు. చిరంజీవి లాంటి వ్యక్తి సోదరుడుగా ఉండటం తనకు గర్వంగా వుందంటూ వ్యాఖ్యానించాడు. మని.. తాను ఎప్పుడూ ప్రేమిస్తునే ఉంటానన్నాడు. అయితే..ఈమధ్య కాలంలో చిరంజీవి పాల్గొన్న ప్రతీ కార్యక్రమాల్లో పవన్ కళ్యాణ్ అభిమానులు అన్న చిరుకు తగిన గౌరవం ఇవ్వకపోవడంతోనే నాగబాబు ఈ వ్యాఖ్యలు చేయడానికి కారణమంటున్నారు.
